Muddo labo sano ka dib oo ay Tuulada Isboorti (Stadium Mogadishu) aysan ka socon wax dhaqdhaqaaq isboorti sababo la xiriira ciidamo Itoobiyaan ah oo halkaasi fariisin Military u ahayd .

Maanta ayay suragaashay in ciidamadaasi Ithopian-ka ah ka dhaqaajiyaan Tuulada isboorti ee Caalamiga (Stadium Mogadishu) .

Afhayeenka Maxkadaha Islaamiga Sheekh C/raxiim Ciise Caddo woo warbaahinta la hadlayay ayaa sheegay in uu garoonka Muqdishu uu furan yahay dhaqdhaqaaqiisii hore ay caadi ahaan doonaan.

“ Garoonka Howlihii uu bulshada u hayay ayuu qabanaayaa ee dhinaca isboortiga ciyaarihii ,dadkii ku almiintayn jiray oo sidii hore ayay noqonaysaa waa u furan tahay dadka balse wax yar oo nabadgelyada xaggeeda ka dib waxay noqon doonaan sidiisii hore garoonkan Stadium Muqdishu” sidaasna waxaa carabkiisa ku dhuftay Sheekh C/raxiim Ciise Caddoow.

Arintan ka soo yeeray Mas`uulkan ku hadlayay Magaca Maxkadaha Islaamiga ayaa waxaa si weyn u soo dhaweeyay dhamaan bulshada isboortiga jecel gaar ahaan dhallinyarada . Inkastoo mas`uuliyiintooda GOS aysan ka hadlin soo dhaweynta warkaan ka soo yeeray Afhayeenka Maxkadaha .

“Garoonkii Conis Stadium dayactir ayaa ku socda malagu ciyaaro kan (Stadium Muqdishu) Itoobiyaan ayaa labo sano iska haystay dhaqdhaqaaqi isboorti gaar ahaan Kubadda cagta waa dhuntay bacaadka iyo wadamo kale ayay gaartay xittaa Xulka Qaranka in lagu tababaro sababtaas oo dhan waxaa leh garoon la`aan” sidaas waxaa ku qeylinayay mid ka mid ah taageerayaasha ugu weyn ee kubadda cagta Ibraahim Adoomoow.

Tuulada Isboortiga Muqdishu Stadium oo lahaa garoomo Caalami ah si qurux badan u dhisnaa aadna u baaxad weyn isla markaaasina ka koobnaayeen qeybo kala duwan oo dhinaca isboortiga oo ay dhismahiisa hirgelisay dowladda Shiinaha ayaa waxaa si weyn u saameeyay bur burkii ka dhacay dalka iyadoo bililiqo xoogan iyo bur bur loo gaystay ayna u dheer tahay ciidamada ajnabi ee dalka yimaada ay ka dhigtaan Fariisin Military iyagoo u arka in ay u tahay goob Military Strategy.

Si kasta ha ahaatee ka bixitaanka ciidamada Ethiopia ka dib waxaa garoonkaasi isugu yimid dadweyne u soo banaanbaxay farxadda ka bixitaanka ciidamada Ithopia ee garoonka ciyaaraha Muqdishu .