Hadalka kasoo baxay tababare Capelo ayaa waxa uu kusoo beegmayaa  xilli ay hamuun u qabaan  wadanka Britain  ku guulaysiga koobka aduunka , Capelo oo  isagu ku faanaya ciyaartoyda uu xilligaani haysto xulka Ingiriiska sida Terry ,Gerarrad .Lampard ,Barry,Rooney iyo kuwa kale oo  tayadooda aad u wanaagsan tahay .

 Balse waxa la sugaaba waa  sida uu ugu dhabayn karo hadalkan kasoo yeedhay macalinkii hore ee kooxaha Roma,Juvantus,iyo Realmarid Fabio Capelo kaas oo ku saabsan   ku guulaysiga koobka adduunka ,  wuxuna xusay in aan waxba loo arag guuldaradii ugu danbeeysay  isreeb reebka  koobka adduunka ee ay kala kulmeen xulka Ukraine .

"Waan ku guuleysan doonaa koobka adduunka 2010 ,waxan ka mid ahayn kooxihi isreebreebka goor hore ka soo baxay waxanu  haysanaa ciyaartoy karti u leh inay guuleystaan," ayuu sheegay Capelo oo intaasi ku daray  ciyaaryahanada ka daxadaraan khaladaadka dhaawaca u keeni kara.

Dhanka kale isla dalka Ingiriiska, naadiga Liverpool ayaa saami aad u badan waxa ka iibsaday shirkada F6.

Hanti la wadaagaha kooxda Liverpool George Gillett safarkii uu ku tegay Saudi Arabia wuxu u muuqdaa inuu midho dhalay ee uu kula kulmay shirkadda maalgashiga ee F6 isagoo sheegay inuu wadahadalada lagu iibsanayo qeyb ka mid ah saamiga uu intiisa badan soo gabagaboobay.

Amiir Faisal bin Fahad bin Abdullah Al-Saud oo  ah madaxa shirkada F6,  waxa jiray  warbixino badan oo tibaaxayay inay wadahalado dhex mareen Amiir  iyo Gillett oo socday todobaayadan .

Tani waxay xaqiijinaysaa   warar badan oo aan xaqiiqo ahayn  oo sheegayay  in Gillett  diyaar u yahay inuu ka  iibiyo saamiga uu ku lahaa  Anfield Amiirka, sidaas daraadeed labada dhinac waxay sheegeen in wadahadalada u dhaxeeya labada nin  inta badan la xidhiidheen  aasaasidda  xarunta brashada dhallinyarada ee Bariga  Dhexe .

Si kastaba  ha ahate , Sky Sports News ayaa  warinaysa in  F6  ay soo saartay warbixin qoraaleedkan: " Wada hadalka ku saabsan  inaan iibsano saamiga Liverpool  waa ay socdaan. Kulamadana waa la qorsheeyay, waxaa laga yaabaa inay soo gabagaboobaan maalmaha soo socda."